No to Butete
Ni: Emma Bicolana
An butete, maluya-luya,akala mo,
Pero kaya kang
hiluhon kainiyo,
Tetentaran, lalasunon an dugo mo,
Hanggang dagos ka na sa kamposanto.
An butete, ano ta pagkakanon mo?
Aram mo daw na
madiklom an plano?
May hilom na anggot iyan sa saimo,
Ta mawot maagaw si ilusyon mo.
Pero sa butete, dae ka padaya,
Risa yan sa nguso na mapupula,
An matarom na ngipon, helinga,
Ta dae iyan makakautik talaga.
Kaya, an butete sa dagat iapon,
Nungka na iyan dakupon,
O magin pulutan kan parainom.
Ta baad, masubad na si saimong agom.
Mga Komento
Mag-post ng isang Komento